العزل المنزلي / ازاي اعمل غرفة عزل في بيتي؟
العزل المنزلي / ازاي اعمل غرفة عزل في بيتي؟
أولاً:
حضرتك عندما تختار الغرفة لابد أن يكون فيها مصدر للشمس لانها مهمة جدا
ثانياً:
تضع في الغرفة أكياس للزبالة كثير بقدر كافي
ثالثاً:
تضع فيها جونتات ومناديل وماسكات وكحول ايضا بقدر كافي
رابعاً:
تضع فيها فوط وملابس وملايات للشخص المعزول بقدر كافي
خامساً:
يفضل لو في امكانيه نضع جهاز للتسلية مثل الاب توب او التلفزيون
سادساً:
نضع العلاج اللي الشخص المعزول هيستخدمه
سابعاً:
نضع ترمومتر ديجيتال
ثامناً:
لو تقدر تفصل الحمام المستخدم من قبل الشخص المعزول عن باقي الاسره افضل
طيب ازاي هنتعامل مع الشخص المعزول داخل غرفة العزل؟
حضرتك هتقدمله الأكل الكافي يوميا في أطباق كرتونية من اللي بتستخدم مرة وتترمي في كيس قدام الغرفة وفي نهاية كل يوم الشخص هيحط كل البواقي في كيس ويربطه ويحطه في كيس تاني ويحطه قدام الغرفة وأنت لابس كل سبل الوقاية هتاخد الكيس ترشه كلور من بره وترميه في الأماكن المخصصة فوراَ
ازاي هيروح الحمام؟
قبل ما يخرج هيتصل بحضراتكم هتفضوا الطريق للحمام وهو خارج بالماسك والجوانتي وإيده جانبه مش بيلمس أي حاجه هيستخدم الحمام وبعدين حد من حضراتكم هيلبس الوقاية ويطهر الطرقة والحمام بتركيز الكلور اللي متفقين عليه
طب ازاي هنتابع حالته الصحيه؟
هيبقى معاه تليفون وهنعلمه يقيس الحرارة بالجهاز الديجيتال ويبلغنا الحرارة كل 8 ساعات ولو فيه أي أعراض جديدة
طيب أفرض أن اللبس اللي معاه إحتاج غسيل؟
هيحطه قي كيس بلاستيك ويقفله كويس وهيحطه قدام الغرفة وحد منكم هيلبس الوقاية وياخد الكيس يجري بيه على الغسالة وبعد ما يغسل الهدوم الغسالة تأخد دورة كلور التعقيم
الغسيل بالنسبة للبس المريض بدرجة حرارة العالبة والمسحوق كافيين جدا للتعقيم
وبالنسبة لتعقيم الغسالة بعد غسيل المريض دي دورة الكلور اللي بقول لحضراتكم عليها اننا هنشغل الغسالة على أقصر برنامج وهى فيها قطعة قماش وحده مش محتاجينها ونحط مع المسحوق كلور والأهم أذكار الصباح والمساء ربنا يحفظنا
طيب افرض وحشنا؟
فيه اختراع اسمه الفيديو كولز جميل والله هدفك في العزل المنزلي أن باقي أفراد الأسرة متتصابش عشان مش كل ما واحد يقرب يخف الإصابة تتجدد معلش نتحمل شوية
والاختراع بتاع الفيديو هتحاولوا تشركوا بيه الشخص المعزول في كل حاجة بتعملوها عشان نفسيته
ربنا هيزيح الغمة بس خدوا بالأسباب شوية رجاءا
دعواتكم
ليست هناك تعليقات